Ég er í ruglinuuuu... ég er í ruglinuuuu... inni hjá Indriðaaaaa... lalalalalallaaaa...
En án alls gríns, þá er ég ekki inni hjá Indriða, en er aftur á móti í ruglinu!
Klukkan er nákvæmlega 1:43 aðfaranótt laugardagsins 8. nóvember á því herrans ári 2008 þegar ég hef þessi bloggskrif - og ætti ég í raun að vera steinsofandi í hausinn á mér (þessi setning hefur alltaf vafist soldið fyrir mér, að sofa "í hausinn á sér"... alltaf sagt við mig þegar ég var lítil en ég skildi það aldrei... og skil ekki enn!)
Var að enda við að horfa á nýjasta þáttin í fimmtu seríu af GREYS og eftir það horfði ég á nýjasta nýtt í ANTM! Ég er húkkd á þessu helvíti.. og ekki nóg með að ég er bundin líkamlegum og tilfinningalegum böndum þessum tveim þáttaröðum, þá er ógeðslegasti þáttur veraldar orðinn fastur liður í minni tilveru - og það er LEIÐINDALJÓS á stöð 1!! Isss, ákkúrat þegar maður á að vera agalega dugleg að lesa og lesa og lesa meir, en nei. Greinilega ekkert les hér á  bæ! Planið var jú að útskrifast með láð í júní á næsta ári, og er enn... þarf bara að komast í gírinn. Gengur alveg fáránlega vel í skólanum þrátt fyrir lítið lær, en krönsið er og hefur alltaf verið minn stíll þegar kemur að prófum og ritgerðum... allavega virkaði það um daginn þegar Erlan las lesefni hálfrar annar á 3 dögum og fékk hvorki meira né minna en 9 á því prófi! Hnuss... og geri aðrir betur!
Internetið er minn Akkilesarhæll, þar næ ég nebblega í alla þessa þætti.
Já, heimurinn var góður áður en netið kom til sögunnar, þá var maður bara úti að leika sér í náttúrunni og ferska loftinu... í staðinn fyrir að loka sig inni frá veröldinni og eyða dýrmætum tíma af lífinu í sjónvarpsþáttagláp sem skilur ekkert eftir sig...
Er svo að fara í afmæli á morgun þar sem "all things 90s" verður í hávegum haft... og ég er ekki enn komin með átfitt. Held að ég fari bara sem ein af grúppíunum hans MC Hammer, í Hammer buxunum, Reeboks og einhverju sem ég vonandi finn í Kolaportinu á morgun. ohhhhh, the pressure...
Hér með lýkur þessu venti.. .og er klukkan 01:53
e.s. ég las textann ekki yfir og ætla ekki að gera það.. þannig að ef það eru stafsetningavillur, þá bara.. TOUGH LUCK!!!

Eitthvað helv%$%* klukk sem er í gangi... ætti að vera að skúra gólf og þrífa íbúðina - nahh...

Fjögur störf sem ég hef unnið um ævina:

• Barþjónn á Vegamótum - !!!
• Móttaka á hóteli - sem næturugla!
• Frístundarfulltrúi hjá ÍTR - til þess að eiga salt í grautinn
• Flugfreyja hjá Icelandair - fríðindi og flug  hehehee....
  

Fjórar bíómyndir sem ég held upp á:

• Boondock Saints - agalega heitur badass með sexí hreim!
• Finding Nemo - my motto in life: "JUST KEEP SWIMMING, JUST KEEP SWIMMING SWIMMING SWIMMING...."
• Kill Bill Vol. 1 og 2 - hörkukvensa... like me!
• Coming to America - á alveg svaðalega góðar æskuminningar út frá þeirri mynd + Soul Glo... YOU GOT YOUR SOOOOOOOULL GLOOO BEBE, FEELING OH SO SILKY SMOOOTH...

Fjórir staðir sem ég hef búið á:

• Sigtún - ótrúlega kósí risíbúð, hefði ekki haft neitt á móti því að eiga þá íbúð sko!
• Eggertsgata - stúdentagarðar og stuð!
• Norwood Terrace, Leeds í Englandi - heilt ár með sama og engann hita, mýs í eldhúsinu og sveppi í baðherberginu. Nice-í-part-ei!
• Kapellustígur - my own personal boudoir... lovinitt!

Fjórir sjónvarpsþættir sem mér líkar:

• Riget
• Flight of the Conchords
• The Mighty Boosh
• ANTM

Fjórir staðir sem ég hef heimsótt í fríum:

• Spánn
• Krít
• England
• Danmörk
• (langar að bæta Frakklandi við á þann lista, alveg sjúk í París!)

Fjórar síður sem ég skoða daglega (fyrir utan bloggsíður):

• facebook.com
• visir.is
• mbl.is
• ugla.hi.is

Fernt matarkyns sem ég held upp á:

• haframjöl
• ostur ostur ostur og aftur ostur!!!! mmmm, Krydd-Havarti er ein mesta snilld okkar tíma!
• kókómjólk - ahhh, gæti lifað á þessum undramiði
• Kaffi-Jógúrt....

Fjórar bækur/blöð sem ég les oft:

• Breskar bókmenntir og ljóð eins og það leggur sig hjá enskudeild HÍ
• Skakki Turninn
• Vikan
• Morgunblaðið

Fjórir staðir sem ég vildi helst vera á núna:

• á lítilli eyju í Karíbahafinu að drekka Pina Colada og baða mig í sjónum
• úti í náttúrunni í göngutúr - njóta lífsins og anda að mér hreinu lofti
• í Bláfjöllum á skíðum
• í baði... ahhhhh

Fjórir bloggarar sem ég klukka:

• Þóra Norman

• Tarfurinn
• Maxie
• Aubba Blö

...og já, ég lofa...blogggyðjan mun rísa upp frá værum svefni innan tíðar - brace yourselves!!!

Ég er að springa á limminu. Er alveg búin að tapa einbeitningunni með öllu - veit samt ekki alveg hvar eða hvenær hún tapaðist. Held hún hafi læðst út um gluggann í skjóli nætur og hlaupið á móts við náttúruna og frelsið. Er eflaust búin að koma sér vel fyrir í Hyde Park, með rónanum og hundinum hans sem þar dvelja, og hefur það náðugt... ætli henni hafi ekki bara ofboðið afskiptaleysi mitt í hennar garð – þar sem ég hef lítið sem ekkert púkkað upp á hana síðustu vikur og mánuði. Hversvegna veit ég ekki – er bara með hausinn einhversstaðar allt annarsstaðar en við það sem ég Á að vera að gera. Er farin að hugsa alltof langt fram í tímann sem og hlakka of mikið til væntalegra flutninga til heimalandsins eftir rétt rúman mánuð. Farin að skipuleggja einhverskonar framtíð eða framhald - þó bara í grófum dráttum – þar sem það er til svo mikils að hlakka. Alltént er það mín trú eins og staðan er í dag... en þetta er allt í framtíðinni, og veit ég að það er NÚIÐ sem skiptir máli! Bara erfitt að stilla sig af án þess að hafa fókus...

En ég þarf svo virkilega að fara og finna bévítans einbeitninguna og múta henni þar sem ég er á síðustu metrunum í skólanum. Lofa henni öllu fögru; láta henni líða eins og blóm í eggi sem hlúð er að með mikilli natni og umhyggju, svo hún fái að vaxa og dafna. Er samt ekki vongóð þar sem ég er búin að misbjóða henni í lengri tíma og hún er eflaust alveg komin með nóg af mér. Gæti verið að flökkulífið með rónanum heilli...? Situr á götuhornum víðsvegar um borgina og syngur fyrir mat... án þess að vita hvað morgundagurinn ber í skauti sér – lífið eitt ævintýr. Hvernig er hægt að skáka því!? />

Kannski, ef ég heilla hana með gylliboðum, býð henni húsaskjól og hlýju, mat og umönnun – svo framarlega sem hún þýðist mér... þá verði hún þæg og hætti að strjúka. Ég þarf á henni að halda akkúrat núna... meir en nokkurntímann áður. Líður eins og bíl á síðasta bensíndropanum – og get ekki farið að fylla á því bensínverðið er svo hátt. Og ég bý ekki einusinni á Íslandi!

Ég er farin út að leita að grallaraspóanum... hilsen!
/>

Einstaklega skrýtið veður í Englalandinu um þessar mundir. Soldið íslenskt í fasi: skýjað og grámygla í morgun, sól og léttskýjað í hádeginu – gekk á með éljagangi inn á milli sólargeislanna. Soldið sona “Suð-Vestan fjórir, tveggja millibara lægð og gengur á með skúrum”. Var samt alveg agalega dugleg í hádeginu og fór út að hlaupa. Það er eitthvað alveg nýtt í mínum bókum, hef haft andstyggð á hverskyns hlaupi (þó ekki namminu) í lengri tíma – eflaust tengi ég það við þá staðreynd að ég er með slæm hné og fæ mjög auðveldlega beinhimnubólgu sem orsakast (í mínu tilfelli) af of miklu hlaupi og hnjaski. Því hef ég haldið mig við skíðatækið og þrekstigann í ræktinni þegar kemur að brennslu – en ákvað í morgun að fara ekki í ræktina heldur drífa mig út að hlaupa í gvuðsgrænni í staðinn. Því það er ansi vorlegt um að líta utandyra – grasið er farið að grænka sem og trén, og feitar búsældarlegar býflugur eru vaknaðar af vetrardvalanum og farnar á stjá í leit að æti. Næstu 2 mánuðir sem ég á eftir af dvöl minni hérlendis eiga eflaust eftir að vera ansi huggulegir – enda ekkert nema sól og bjartsýni framundan á þessum bæ.
Tók eftir því að  það eru rúmlega 6 vikur síðan ég bloggaði síðast. Men hvað það er langur tími! Næstum jafnlangur tími og ég á eftir af skólanum. Jerimías!

Var rosa gaman á Íslandi yfir páskana. Ákvað að skella mér heim í nokkrar vikur í boði Hótel Mömmu, þar sem það var svo agalega langt ”páska”frí í skólanum. Plús það að fjárhagurinn er eitthvað farinn að láta á sjá og gott að geta fengi mömmumat – enda ekkert grín að vera á námslánum. Get varla beðið eftir að fara að vera vinnandi aftur og eiga moní inn mæ pokkitt... og komast til úglanda. Dejöfull hvað ég ætla að sjoppa og sjoppa í Amirríku í sumar... gaman og stuð! Je!

Er að spöggúlera að kíkja til Lundúna þarnæstu helgi í þeim tilgangi að bera Hjösslerinn augum og verða vitni að því þegar hann sigrar heiminn... eða a.m.k. London. Hann er kominn í eitthvað massívt band sem er í þann mund að skrifa undir samning við eitt stærsta plötufyrirtækið í bransanum. Ætti að vera heilmikil og skemmtileg... öh... skemmtun. Það held ég nú!>> >>

Ananas er ég að löva þetta band þessa dagana, þá sérstaklega lagið NATALIE NOW - veljum íslenskt maður!

Hér með skora ég á Talíbanann til að láta í sér heyra... löngu orðið tímabært, enda er konan í óða önn að kasta steinum úr glerhúsi! Hvar er pistillinn Talbó, hvar segi ég?! />

...finnur maður sér alltaf eitthvað annað að gera. Skil mig ekki. Það er eins og ég þrífist best á pressu og kvíða - verð að finna virkilega fyrir því að klukkan tifar og stutt í skil. Þá fer ég af stað. Veit ekkert hvaðan ég hef þetta. Eins með þegar ég þarf að vera mætt einhversstaðar... ég er krónískt alltaf (og þá meina ég ALLTAF!) 5-10 mínútum of sein. Er búin að vera að reyna stíft að hrista þetta af mér, en gengur treglega. Held að gamla máltækið Erfitt að kenna gömlum hundi að sitja eigi vel við mig.
Það er nú reyndar ástæða fyrir þessum skrifum á veraldarvefinn að þessu sinni. Er að koma rithöfundinum í mér af stað, því eins og kom fram í færslunni hér á undan, þá hefur hún verið eilítið feimin og ekki látið sjá sig mikið upp á síðkastið. En ég hef fulla trú á henni, hún er ágæt. Hún kann vel til verka og þegar hún fer af stað - there is no stopping her! LIKE A ROLLING FU**ING STONE! Áfram ég!
Fór á tónleika í gær. Ákvað það bara með nokkurra klukkutíma fyrirvara, þar sem hljómsveitin sem um ræðir er í miklu uppáhaldi hjá vinkvennahóp mínum. Reyndar svo mikið í uppáhaldi, að fyrrnefndar stúlkur sendu kauðum rafpóst fyrir nokkrum árum (eftir að hafa séð til drengjanna á Iceland Airwaves), þar sem þær tjáðu þeim að þær væru búnar að stofna íslenskan aðdáendaklúbb fyrir bandið. Sendu meira segja myndir af sér með póstinum, hýrar á brá og með stútinn alveg á hreinu! Ekki veit ég hvað þeim nákvæmlega gekk til með þessari aðgerð, grunar að þetta hafi verið eitt allsherjar spaug hjá þeim... en í seinni tíð er farið að renna á mig tvær grímur. Held að þeim hafi langað til að komast í tæri við drengina, þar sem ein stúlkan í þessum hóp bar losta í "hjarta" til trommara bandsins. Enda ekkert skrýtið, maðurinn er gullfallegur! Held að þær hafi fengið svar til baka, frá umboðsmanni drengjanna, sem þakkaði þeim kærlega fyrir hlý orð í þeirra garð, og að mig minnir ætlaði að senda þeim plaggöt og eiginhandaráritanir. Held að póstarnir hafi ekki verið fleiri af stúlknanna hálfu - enda flestar umræddra kvenna orðnar ráðsettar húsmæður í Breiðholtinu... eða, næstum því, og ekki er það  sæmandi "giftum konum" að eltast við stráka með hljóðfæri. Slíkt er bara óhugsandi! ussss..
Alltént, tónleikarnir voru hin mesta snilld! Sá þessa stráka spila einmitt á Airwaves - og ég verð að segja að gærkvöldið kom mér virkilega á óvart. Miklu þéttari sem band, búnir að bæta við sig 2 hljómsveitarmeðlimum og búnir að rokka talsvert upp þennan ambient/indie fílíng sem var í gangi hjá þeim fyrir öllum þessum árum síðan. Get sko sagt að ég sé ekki eftir þessum tæpu 2 klukkutímum og 4 pundum sem ég eyddi í þetta kvöld.
Langar svo bara að koma einu öðru á framfæri.... ÉG SKIL EKKI STUTTBUXUR! Bara skil þær ekki! Virðist vera alveg afskaplega mikið trend í dag að spranga um í þessum ógeðslegu UGG-moonboots viðbjóðum, gammó og fckn stuttbuxum! Þetta gjörsamlega tröllríður landanum hér í Englalandinu um þessar mundir. Viðurstyggð. Stuttbuxur eiga bara heima á ströndinni, í sundi - eða á limafögrum karlmönnum í ræktinni. Punktur!

Nú ætla ég að halda á vit ritgerðarinnar... ÁFRAM ÉG!

e.s. þetta band er töff! />